गुरुवार, १२ नोव्हेंबर, २०१५

सरस्वतीचे मंदिर -सुप्रिया नाईक

सुशांत जागा
जसे तपोवन
जिथे साठले
विद्येचे धन
रमते माझे मन
ग्रंथ पेटीच्या दारी
होऊन मोहित निर्भर
रसिक येउनि
विहार करिती
रंगीत पृष्ठे
मिटती उघडती
हे निवडू कि ते घेऊ
चिंतन करिती
येती जाती
सुखे विहरती
ज्ञानाचे कण
सरस्वतीचे हे तर दालन
इथे शांतीचा केवळ वावर
रमते माझे मन
ग्रंथ पेटीच्या दारी
होऊनी मोहित निर्भर
कुण्या रसिक काव्य आवडे अध्यात्माचे कुणा वावडे
रुची वेगळी , दुर्लभ योजक
मेल घालती ग्रंथ पेटीचे
ते संग्राहक
अतीव सुंदर
रमते माझे मन
ग्रंथ पेटीच्या द्वारी
होऊन मोहित निर्भर
रसिकांसाठी हे दुजे घर
अभिमानाची वाहून मोहर
एकजुटीने सहकार्याने
जपूया सारे नव्या जुन्याचा
सुवर्ण संकर
रमते माझे मन
ग्रंथ पेटीच्या दारी
होऊनी मोहित निर्भर





कोणत्याही टिप्पण्‍या नाहीत:

टिप्पणी पोस्ट करा